പറയാതെ പോയത്...: നിങ്ങളുടെ ചിന്തകളുടെ ഉടമസ്ഥര്‍ നിങ്ങളോ ?

നിങ്ങള്‍ എങ്ങനെ ചിന്തിക്കണം, എന്ത് ചിന്തിക്കണം എന്ന് തീരുമാനിക്കുന്നത് നിങ്ങളാണോ ?? ഒരിക്കലുമല്ല!!! പിന്നെ ആരാണ് നിങ്ങളുടെ ചിന്തയുടെ ഉടമസ്ഥര്‍ ??

എന്റെ ഈ വാദങ്ങള്‍, അംഗമായിരിക്കുന്ന മതത്തെക്കുറിച്ച് വിമര്‍ശനമുയര്‍ന്നപ്പോള്‍ വികാരം വ്രണപ്പെട്ട ഒരു മതഭ്രാന്തന്റെ വാക്കുകളായി തോന്നുന്നവര്‍, ദയവായി എന്റെ മുന്‍ പോസ്റ്റുകള്‍ വായിക്കുക. പിന്നെയും അങ്ങിനെ തന്നെ തോന്നുന്നവര്‍ ദയവായി ഇത് വായിക്കാതിരിക്കുക.സത്യം, അത് ആരുടെ ഭാഗത്തായാലും അത് തുറന്നു കാണിക്കണം എന്ന് മാത്രമേ ഞാന്‍ ഉദെശിചിട്ടുള്ളൂ. അല്ലാതെ ആരെയും ന്യായീകരിക്കാന്‍ ഞാന്‍ ഉദെശിക്കുന്നില്ല. ഇവിടെ സത്യം ഇങ്ങനെ ആയിപ്പോയി എന്നെ ഉള്ളൂ.

കഴിഞ്ഞ ആഴ്ച അയര്‍ലണ്ടില്‍ സവിത എന്ന ഒരു ഇന്ത്യക്കാരി മരണപ്പെട്ടു. ആഗോള മാധ്യമങ്ങള്‍, പ്രത്യേകിച്ച് സി എന്‍ എന്‍, ബി ബി സി പോലുള്ള ഇംഗ്ലീഷ് അമേരിക്കന്‍ മാധ്യമങ്ങള്‍ ആ മരണം ആഘോഷമായി കൊണ്ടാടി. അതിന്റെ ചുവടുപിടിച്ചു നമ്മുടെ മാധ്യമങ്ങളും. ഡോക്ടര്‍മാര്‍ അയര്‍ലണ്ടിലെ നിയമത്തിന്റെ ഗര്‍ഭചിദ്രം നിഷേധിച്ചതുകൊണ്ടാണ് അവര്‍ മരണപ്പെട്ടത് എന്നാണ് വാര്‍ത്ത. ലോകം മുഴുവനും ഉള്ള മനുഷ്യസ്നേഹികള്‍, കത്തോലിക്കാ സഭയുടെയും അയര്‍ലണ്ടിന്റെയും നിയമത്തെ രൂക്ഷമായി വിമര്‍ശിച്ചു, നിയമങ്ങള്‍ തിരുത്തിയെഴുതെണ്ടതിന്റെ ആവശ്യകതയെക്കുറിച്ച് വാചാലരായി. നമ്മള്‍ മലയാളികളും അതേറ്റ് പാടി. നിയമങ്ങള്‍ തിരുത്തിയെഴുതെണ്ടതിനെക്കുറിച്ചും അബോര്‍ഷന്റെ മഹത്വത്തെക്കുറിച്ചും അവര്‍ അമേരിക്കന്‍ ഇന്ഗ്ലിഷ് മാധ്യമങ്ങളില്‍ എഴുതിപ്പിടിപച്ചതെല്ലാം നമ്മളും വിളിച്ചു പറഞ്ഞു.

എന്നാല്‍ ആരെങ്കിലും ഒരു നിമിഷം ചിന്തിച്ചോ സത്യത്തില്‍ അബോര്‍ഷനെക്കുറിച്ചു ഈ നിയമങ്ങളില്‍ എന്താണ് പറയുനത് എന്ന് ? എന്തിനാണ് ഒരു ഇന്ത്യക്കാരിയുടെ ജീവനെക്കുറിച്ചു ഈ മാധ്യമങ്ങള്‍ ഇത്ര വാചാലമാകുന്നത് എന്ത് ? ഇസ്രെയെലിന്റെ പലസ്തീനിലെ ക്രൂരതകളും അമേരിക്കയുടെ ഇറാക്കിലെയും അഫ്ഗാനിലെയും മനുഷ്യക്കുരുതികളും പരസ്യമായി ന്യായീകരിച്ച സി എന്‍ എനും ബി ബി സിയും പോലുള്ള ഈ പത്രങ്ങള്‍ എന്തിനാണ് ഇപ്പോള്‍ ഒരു ഇന്ത്യന്‍ യുവതിയുടെ കാര്യത്തില്‍ ഇത്ര താല്പര്യമെടുക്കുന്നത് എന്ന് ?

അബോര്‍ഷന്‍ എന്ന ക്രൂരതയ്ക്കെതിരെ ഏറ്റവും ശക്തമായ നിലപാടെടുക്കുന്ന കത്തോലിക്കാ സഭയുടെ കാനന്‍ നിയമത്തില്‍ വ്യക്തമായി പറയുന്നുണ്ട് , അമ്മയുടെ ജീവന് ഭീഷണിയാകുന്ന പക്ഷം, മറ്റൊരു മാര്‍ഗവുമില്ലെങ്കില്‍, ഗര്‍ഭസ്ഥ ശിശുവിനെ അമ്മയുടെ അനുമതിയോടെ അബോര്‍ട്ട് ചെയ്യാം എന്ന്. അയര്‍ലണ്ടിലെ ഭരണഘടനാ പ്രകാരം അമ്മയുടെ ജീവന് ഭീഷണിയാകുന്ന പക്ഷം അബോര്‍ഷന്‍ അനുവദനീയമാണെന്ന് 1992 ല്‍ അവിടുത്തെ സുപ്രീം കോടതി വിധിച്ചിട്ടുണ്ട്. അത് പോലെ തന്നെ അവിടുത്തെ ഡോക്ടര്‍മാര്‍ക്കുള്ള എത്തിക്സ് ഗൈഡിലും ഈ കാര്യം വ്യക്തമായി പറയുന്നു.

In current obstetrical practice, rare complications can arise where therapeutic intervention (including termination of a pregnancy) is required at a stage when, due to extreme immaturity of the baby, there may be little or no hope of the baby surviving. In these exceptional circumstances, it may be necessary to intervene to terminate the pregnancy to protect the life of the mother, while making every effort to preserve the life of the baby.’ —Section 21.4 of Ireland’s Guide to Professional Conduct and Ethics for Registered Medical Practitioners

ഇതില്‍ നിന്ന് തന്നെ വ്യക്തമാണ് ഈ വിമര്‍ശകര്‍ക്ക് വേണ്ടത് ഈ നിയമങ്ങളില്‍ ഉള്ള മാറ്റമല്ല, സഭ നിയമങ്ങളും അയര്‍ലണ്ടിലെ നിയമവും മുറുക്കെ പിടിച്ചിരിക്കുന്ന അബോര്‍ഷനും കൃത്രിമ ഗര്‍ഭ നിരോധന മാര്‍ഗങ്ങളുടെ നിരോധനവും അടക്കമുള്ള നിയമങ്ങള്‍ ഇല്ലതാക്കലാണ്. എന്തിനു വേണ്ടി ?? ഇന്ന് ലോകത്ത് നടക്കുന്ന വ്യാപാരത്തിറെ വല്യ ഒരു പങ്കു ഇത്തരം കൃത്രിമ ജനന നിയന്ത്രണ ഉപകരണങ്ങളുടെയും ഗര്‍ഭ നിരോധന ഉപകരണങ്ങളുടെയുമാണ്. അമേരിക്കയിലെയും ബ്രിട്ടനിലെയും ചില യൂറോപ്യന്‍ രാജ്യങ്ങളിലെയും ഭരണകൂടങ്ങളെ സ്വാധീനിക്കാന്‍ അവര്‍ക്കായി. അതുകൊണ്ട് തന്നെ ഈ കാര്യങ്ങള്‍ അബോര്‍ഷനും കൃത്രിമ ഗര്‍ഭ നിരോധന മാര്‍ഗങ്ങളും ഒട്ടു മിക്ക യൂറോപ്യന്‍ രാജ്യങ്ങളിലും അമേരിക്കയിലും ഇന്ന് നിയമവിധേയമാണ്. (ഇപ്പോള്‍ അതിനു വേണ്ടി ഏറ്റവും ശകതമായി വാദിക്കുന്നത് ബി ബി സി, സി എന്‍ എന്‍ പോലുള്ള ബ്രിട്ടീഷ് അമേരിക്കന്‍ മാധ്യമങ്ങളാണ്.) പക്ഷെ ഇതിനെതിരെ ശക്തമായി നിലപാടെടുക്കുന്ന കത്തോലിക്കാ സഭയുടെ നിയമങ്ങള്‍ ഇവരുടെ കച്ചവടത്തിന് തടസമാണ്. അതുകൊണ്ട് തന്നെ ഏതു വിധേനയും ഈ നിയമങ്ങള്‍ ഇല്ലാതാക്കാനും, അതിനെതിരെ വാദിക്കാനും അവര്‍ സര്‍വ ശക്തിയും പ്രയോഗിക്കും. ഇപ്പോള്‍ സവിത എന്ന ഇന്ത്യന്‍ യുവതിയുടെ കാര്യത്തില്‍ സംഭവിച്ചിരിക്കുന്ന നിര്‍ഭാഗ്യകരമായ സംഭവങ്ങള്‍, സത്യമെന്തെന്ന് അറിയുന്നതിനു മുന്‍പ് തന്നെ അവരുടെ കച്ചവട താല്പര്യങ്ങള്‍ സംരക്ഷിക്കാനുള്ള ഉപകരണമാക്കിയിരിക്കുകയാണ് മാധ്യമങ്ങളിലൂടെ . ( ഈ കാര്യത്തില്‍ സത്യം അറിയാന്‍ അവിടുത്തെ സര്‍ക്കാര്‍ ഒരു കമ്മീഷനെ നിയമിച്ചിട്ടെ ഉള്ളൂ ) ജീവന് വേണ്ടി വാദിക്കുന്നു എന്ന വ്യാജേന അവര്‍ യഥാര്‍ഥത്തില്‍ കൊലപാതകത്തിന് വേണ്ടിയാണ് വാദിക്കുന്നത്. നിങ്ങള്‍ അറിയാതെ നിങ്ങളെക്കൊണ്ട് വാദിപ്പിക്കുന്നത്. അതാണ്‌ ഞാന്‍ ആദ്യം ചോദിച്ചത് നിങ്ങളുടെ ചിന്തകളുടെ ഉടമസ്ഥര്‍ നിങ്ങളാണോ ??? നിങ്ങളുടെ പ്രതിഷേധങ്ങള്‍ ശരിക്കും ആരെയാണ് സഹായിക്കുന്നത് ??

മാധ്യമങ്ങളും ലാഭക്കൊതി മാത്രം ലക്‌ഷ്യം വയ്ക്കുന്ന കുത്തകകളും ഒന്നിക്കുന്നതോടെ, നമ്മുടെ ചിന്തകള്‍ പോലും നമ്മുടെതലാതായി മാറുന്നതിനും, അറിയാതെ തന്നെ നമ്മള്‍ അവര്‍ക്കുവേണ്ടി, അവരുടെ ലാഭാകൊതിയെ സഹായിക്കാന്‍ വേണ്ടി ചിന്തികുകയും പ്രവര്‍ത്തിക്കുകയും ചെയ്യുന്നതിന്റെ ഒരു ചെറിയ ഉദാഹരണം മാത്രമാണ് ഈ സംഭവം.

ഞാന്‍ വീണ്ടും പറയുന്നു എന്റെ ഈ വാദങ്ങള്‍, അംഗമായിരിക്കുന്ന മതത്തെക്കുറിച്ച് വിമര്‍ശനമുയര്‍ന്നപ്പോള്‍ വികാരം വ്രണപ്പെട്ട ഒരു മതഭ്രാന്തന്റെ വാക്കുകളായി തോന്നുന്നവര്‍, ദയവായി എന്റെ മുന്‍ പോസ്റ്റുകള്‍ വായിക്കുക. പിന്നെയും അങ്ങിനെ തന്നെ തോന്നുന്നവര്‍ ദയവായി ഇത് വായിക്കാതിരിക്കുക. സത്യം, അത് ആരുടെ ഭാഗത്തായാലും അത് തുറന്നു കാണിക്കണം എന്ന് മാത്രമേ ഞാന്‍ ഉദെശിചിട്ടുള്ളൂ. അല്ലാതെ ആരെയും ന്യായീകരിക്കാന്‍ ഞാന്‍ ഉദെശിക്കുന്നീല്ല.

കൂടുതല്‍ വായനയ്ക്ക് :-

Read & Share on Ur Facebook Profile: http://boolokam.com/archives/75847#ixzz2didKSH1C